Ванjа (танäдä фаjтонä ромä чохо):
-Пыä, ым осонä ро ки тYмош кардä?
Пыä (сыä осторинä палтош тäка):
-Чымы былä, Клеjимикелл!
(Вагонäдä гäп)
Бочи бä дYäро окырнедäш пы,
Де тоjкä сыханон ыштä зоä ты?
Бä мы изин быдä, бäj быдä нишон,
Бы овшымä рYшнäдä, иjобä коон.
Ым зähмäт ве чäтин, ве гонбе, Ванjа!
Ым ко чы и кäси дасикоj нäвоj.
Боj давардä вахти отырнäмон, боj.
Дынjоäдä иглä подошо hысе.
Бäвäдä ве дард, маг, аhызо hесе.
Äмо вäшjäниjе чä подошо ном,
Наврäдä hокиме чäj кäшпо мыдом.
Äв, jолä гошYнон кäшдä ноанедä,
Хäлги жимони тел кардä, бовнедä.
Чäj дасäдäj häмä гäмиjон, топон
Зывонäдäш верде чы маги гäпон.
Курмä-курмä хäлги выгандä бä во.
Даштäдä мандедä hиши дYмоjсä,
Чы олäт äбофти, чы сыg беjäвä,
Ыштä даси ноjдä дYсишäс hа вахт,
Ым дäвон кардедä, häниjäн бäкард.
Äj иjош выгандä ым елон, кäсон,
Äj jараjныш кардä салимä дасон.
МудhYшшä чангäдäj де жиjе ве кäс,
Hасäбä häм росбä дä-тäпонäдä.
Зывонäдä чымон выте Häлäвäс,
Bähшиjä дашт бе бähрä даштонäдä,
Бä чäфо товыш ва, бä чäбри соз бä,
Дыштä дасиш кандä бä гäб дорозбä.
Дäкä ым дорозбä дорозä роон,
Бä äтроф кäшäбä осонä роон,
Ым шäлмонäн, pajoн, пешо ым пардон,
ОрYси астäо äв дäвоштäбä.
Чы орYси мägзо гылиш гäтäбä.
Hисобыш ни чымон бызныш ым дардон.
Окао, Волхово, häм чы Волгао,
Чы jолä давлäти hap кычо, hap кäо
Иjo чäм кардäбäн Häмä мYжикон.
Häмä ышты бывонин, häм вäтäныжон,
Мог мähлYм ас пYрбе бäшты бы чäшон?
Де дасäгНäве чы тарсо вäсе
Ыштä димы едоj, чäшоны басе,
häлä ловhä hece чимисäн бäтäр.
Бымäс детыныме вытдäним häдäр,
Виндäш äjо мандä ä тибгыш орYс,
Чы gызмä дылäдä сУтдä белорУс.
Нишäвинд лывУтäдäш чы хУни ризи,
Чäши лоонäдä hич таgäтыш ни,
Дасäдäш мУдhишä jарä hec, japä,
häjгäтäн мУдhишä ышты виндejoн
Copoнe лынгоныш жиjä овäдä
ПаНдомä... кам нäвäн äвон hышкäдä,
Ве сипиjä зылфон бымрäдä пыхäн
Äсронко димисäш гарды-хок емäн...
Äвонäн перызäн, нähаjäт мардäн,
Дардäдä зандäн бä дард огардäн.
Ванjа, де дыggäти диäкош äjо,
Ве быhо орäхдä бо хäлги жимон,
Ым ко, деты Ванjа, деты ым коон,
Деты бычäшäмон лыскäj нибäб бäд
Чы хäлги виндэ коj ты быдä пäсäнд.
Бä мУжики hырмäт быкä, гУш быдä.
Чäj чäп häм росäдä бини чич бедä,
Мäтарс, бызын, бини би вäтäниjо
Душäдäш кырниj hарчи ым хäлхи
Бимиjо ты мäкä hич овгäт тäлхи,
Äj hap чäфош кäшä äве дардäкäш
Ым осонä ро äj ыштä дУшäдäш
Кырниjä, кäшäше де веjä ah-зо
Ожнäн бäгыне чич бывgанды Хыдо.
Давардыäн У мрыш jacu дылäдä.
Бäдо ыштä синä äв hap чäфо
Обäно hовУжä сäадäтä ро.
ТääссУф ки, бäмä ым хосä вахтон,
Gысмäт нибäбä cejp карде бäхтон.