Зывон-зывон воте-воте мандäмон,
Мäктäбонäн тыркиäдä hандäмон.
Винде-винде бошдäро gäб кандäмон,
Быбäмäмон бо толышон, сипришон.

Äмä шымäни нäбахшемон, сипришон,
Шымä бäмä росон нывоте, сипришон.
Ысä häмä häгги тäлäб кирдедäн
Кончон шымо, häлä hытон, сипришон.

Чäвоб быдäн, хäбä сäдäм шымäкУ
Тосä кäjнä бä мандемон дУмокУ?
Чäмäкионäн хäбä бäсен чäмäкУ,
Бäвäдä бäвон чич бäвотемон, сипришон?

Боj ыштäни äма тäриф мäкäмон
Бывотäмон äмä дäвонäн и кäмон.
Чанä ди ни ды чокимä зынон сäкäмон
Äмäнишон бäгäм ныкаj, сипришон.

Чäмä нäнон Бабäкшон jол карде
Бычи рäрä äмä äвмон тырк карде?
Хуни дылäдä äв бäвäдä ныгарде
Бычи гардон ысä шымä, сипришон?

Быми бäjро лäg-лägä каj чокимон
Бегыjрäтон воттäн: "äмä тыркимон"
Чич бäбе ки, бывотäнäн, бäс кимон?
Дылмон тäкäj, бäболимон, сипришон!

Äгäр äмä ымруж сäпо нäштäмон,
Хäчолäтдä бäбен чäмä hырдäнон.
Чанä ди ни бoj Толыши гырдкäмон.
Лäнäт ныкäн нäвон бäмä, сипришон.